دہشت گرد بھارت

بلوچستان میں دہشت گردانہ حملوں میں بھارتی میڈیا کا انتہائی شرم ناک کردار۔۔ پاکستان کا ازلی دشمن بھارت پاکستان کو کمزور کرنے اور پاکستان کی ترقی کی راہ میں رکاوٹ ڈالنے کیلیے ہمیشہ پیش پیش رہا  ہے۔مزید تفصیلات جانتے ہیں اس رپورٹ میں بلوچستان میں نام نہاد آزاد بلوچستان کا لبادہ اوڑھے دہشت گرد بھارتی خفیہ ایجنسی را کی مدد سے پاکستان میں معصوم لوگوں کا خون بہا رہے ہیں۔ ذرائع کے مطابق بلوچستان میں تازہ ترین حملوں کے پیچھے بھی بھارتی خفیہ ہاتھ کو نظر انداز نہیں کیا جا سکتا۔ بلوچستان  میں  دہشت گردانہ حملوں کے دوران بھارتی میڈیا خوشیاں مناتا رہا اور اپنی طرف سے من گھڑت کہانیاں چلاتا رہا۔24 اور 25 اگست کی رات کیے گئے حملوں کے حوالے سے بھارتی میڈیا، سوشل میڈیا اکاؤنٹس پر خوشی منائی جاتی رہی۔ بھارتی میڈیا نے دہشت گرد حملوں کو غیر معمولی کوریج دی د فاعی ماہرین کے مطابق انڈین میڈیا کی جانب سے تفصیلی اور پروپیگنڈا خبروں کا جاری ہونا واضح کرتا ہے کہ ان دہشت گرد حملوں کے پیچھے بھی بھارت خفیہ ایجنسی را کی مکمل حمایت اور مدد شامل ہے۔ بھارتی میڈیا نے اپنے ہی انٹیلی جنس سورسز کو کوٹ کرتے ہُوئے کہا کہ بلوچ حملوں میں اس قسم کی توانائی اور ہم آہنگی پہلی بار دیکھی گئی ہے۔ یہ بھی بتایا گیا کہ بلوچستان میں ماہ رنگ بلوچ کی سربراہی میں مسنگ پرسنز کی کمپین  پیک پر پہنچ چکی ہے۔دفاعی ماہرین کے مطابق بھارتی خفیہ ایجنسی ماہ رنگ کو ہتھیار بنا کر معصوم شہریوں پر حملے کروا رہی ہے۔ اس کے علاوہ بھارت کی جانب سے ایکس ایکس اکائونٹ پر بھی نیا پروپیگنڈا منظر عام پر آچکا ہے۔ بھارتی سوشل میڈیا پر یہ پروپیگنڈا کیا گیا کہ دہشتگرد تنظیم بی ایل اے نے پاکستانی سیکورٹی فورسز کے 102 اہلکارشہ کر دیے۔ دفاعی ماہرین کا کہنا ہے کہ ماہ رنگ بلوچ اور بلوچ دہشت گرد تنظیمیں ایک ہی سکے کے دو رخ ہیں۔ ایک طرف معصومیت کا ڈرامہ رچایا جاتا ہےدوسری جانب دہشت گرد حملوں سے پاکستان میں بدامنی پھیلائی جا رہی ہے۔ لاپتہ افراد کا بہانہ اور نام نہاد آزادی کا  ڈرامہ ملک میں انتشار اور بدامنی پھیلانے کی منظم سازش ہے جو ناکام ہو چکی ہے۔
x