کراچی والے ہوجائیں ہوشیار!

سمندری طوفان اسنیٰ کراچی سے 120کلو میٹر دور ہ گیا،سمندری طوفان اورماڑہ سے 250کلو میٹر اور گوادر سے440کلو میٹر فاصلے پر موجود ہے،48 سال بعد اگست کے مہینے میں سمندری طوفان بن گیا جس کے زیر اثر کراچی، ٹھٹہ، حیدر آباد، بدین اور عمر کوٹ سمیت سندھ کے دیگر اضلاع میں 31 اگست تک وقفے وقفے سے تیز ہواؤں کے ساتھ موسلا دھار بارش کا امکان ۔محکمہ موسمیات کے مطابق سمندری طوفان بحیرہ عرب کے شمال مشرق میں موجود ہے اور 6 گھنٹوں کے دوران سمندری طوفان مغرب کی جانب بڑھ رہا ہے۔طوفان کراچی کے جنوب سے 120کلومیٹر، ٹھٹہ کے جنوب مغرب سے 180 کلومیٹر کے فاصلے  پر ہے جبکہ عمان کے جنوب مشرق سے طوفان 250 کلومیٹر  اور گوادر کے مشرق اور جنوب مشرق سے طوفان 440 کلومیٹر دور ہے۔محکمہ موسمیات کا کہنا ہے کہ طوفان مغرب اور شمال مغرب کی جانب حرکت کر رہا ہے۔