دنیا بھر کی جیلوں کیں 20ہزار پاکستانی قید

پاکستانی روزی ہوٹی کیلئے پوری دنیا میں جاتے ہیں لیکن آج ایسا ہوش اڑا دینے والا انکشاف ہوا ہے کہ دنیا کے88ممالک کی جیلوں میں20ہزار پاکستانی قید ہیں، قومی اسمبلی میں پیش کردہ دستاویز میں بیرون ملک جیلوں میں قید پاکستانیوں کی تفصیلات سامنے آگئیں۔ دستاویز کے مطابق 88 ممالک کی جیلوں میں 20 ہزار پاکستانی شہری قید ہیں، ان میں سزائے موت کے 68 پاکستانی شامل ہیں  جنہیں دہشت گردی، قتل اور منشیات کی اسمگلنگ  پر  سزائے موت سنائی گئی ہے۔پاکستان سے سب سے زیادہ سعودی عرب جانے والے 10ہزار سے زائد پاکستانی سعودی عرب کی جیلوں میں قید ہیں۔ متحدہ عرب امارات میں 5 ہزار 292، ملائیشیا میں 463، برطانیہ میں 321، عمان میں 578، ترکیہ میں 387، بحرین میں 371، یونان میں 598، چین میں 406، جرمنی میں 90، عراق میں 40، امریکا میں 114، سری لنکا میں 89، اسپین میں 92،  افغانستان میں 85، ساؤتھ افریقا میں 48 اور فرانس میں 286 پاکستانی قید ہیں۔